Жалал-Абад медициналык колледжинде 2026-жылдын 27-февралында Айылчиева Б. А. тарабынан «Экологиянын негиздери» предмети боюнча окутуучулар үчүн мастер-класс өткөрүлдү.
Сабакта мээ чабуулу, топтор менен иштөө, кейс жана кластер ыкмалары колдонулду. Бул ыкмалар аркылуу айлана-чөйрөнүн булганышынын адамдын ден соолугуна тийгизген терс таасири боюнча маселелер кеңири талкууланып, чечмеленди.
Ошондой эле экологиялык маселелер башка көйгөйлөр сыяктуу эле аз-аздан топтолуп, бара-бара чоң көйгөйгө айланары, ал эми кичине кадам чоң өзгөрүүгө жол ачаары белгиленди.
Күнүмдүк турмушта ар бирибиз экологияны коргоо боюнча жоопкерчиликти сезип, жаратылышты сактоого жана коргоого милдеттүү экенибиз баса белгиленди.
